ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

រ៉ូម៉ានីស្វាគមន៍ការបង្កើនទាហានណាតូលើទឹកដីរបស់ខ្លួនប្រសិនបើចាំបាច់

  • ចុះផ្សាយថ្ងៃទី២៧ ខែមករា ឆ្នាំ២០២២ ម៉ោង ១៥:៤៥ នាទី ដោយ Moeun Chamrong Ridhisidh
  • 2141
  Aa |   aA

BUCHAREST៖ ប្រធានាធិបតីរ៉ូម៉ានីកំពុងពិភាក្សាជាមួយសហរដ្ឋអាមេរិក និងបារាំងអំពីមធ្យោបាយដើម្បីបង្កើនចំនួនកងទ័ព ហើយខ្លួនបានត្រៀមខ្លួនជាស្រេចដើម្បីធ្វើជាកន្លែងបង្កើនវត្តមានយោធារបស់ណាតូ នេះបើតាមប្រធានាធិបតីរ៉ូម៉ានីលោក Klaus Iohannis បាននិយាយកាលពីថ្ងៃពុធ។

ក្រសួងការពារជាតិអាមេរិកបាននិយាយកាលពីថ្ងៃចន្ទថា ខ្លួនបានដាក់ទាហានអាមេរិកប្រហែល ៨ ៥០០នាក់ដោយរង់ចាំការបញ្ជាឱ្យដាក់ពង្រាយទៅកាន់ផ្នែកខាងកើតរបស់អង្គការណាតូ ប្រសិនបើរុស្ស៊ីឈ្លានពានអ៊ុយក្រែន ហើយបារាំងក៏បានស្នើបញ្ជូនទាហានបន្ថែមទៀតប្រសិនបើចាំបាច់។

លោក Iohannis បាននិយាយថា៖ «ខ្ញុំបាននិយាយហើយថា យើងត្រៀមខ្លួនជាស្រេចដើម្បីធ្វើជាទីតាំងដើម្បីបង្កើនវត្តមានទ័ពសម្ព័ន្ធមិត្តនៅលើទឹកដីរបស់យើង។ […] បន្ទាប់ពីការប្រកាសដែលធ្វើឡើងដោយសហរដ្ឋអាមេរិក និងបារាំង យើងកំពុងទាក់ទងជាមួយសម្ព័ន្ធមិត្តទាំងពីរដើម្បីដឹងពីវត្តមានយោធារបស់ពួកគេ»។

លោក Iohannis បាននិយាយបន្ទាប់ពីកិច្ចប្រជុំរបស់ក្រុមប្រឹក្សាការពារជាតិកំពូលរបស់ប្រទេសរូម៉ានី ដើម្បីដោះស្រាយបញ្ហាសន្តិសុខ បន្ទាប់ពីប្រទេសរុស្ស៊ីបានប្រមូលផ្តុំកងទ័ពរាប់ម៉ឺននាក់នៅជិតព្រំដែនអ៊ុយក្រែន។ លោកបាននិយាយថា ការចរចាការទូតនៅតែជាគន្លឹះដើម្បីបន្ថយភាពតានតឹង។

បច្ចុប្បន្ននេះអង្គការណាតូមានកម្លាំងចម្រុះជាតិសាសន៍ ៤ ០០០នាក់នៅក្នុងប្រទេសរូម៉ានី ដែលជាសមាជិកតាំងពីឆ្នាំ ២០០៤។ សហរដ្ឋអាមេរិកក៏មានទាហានឈរជើងនៅមូលដ្ឋានដាច់ដោយឡែកពីគ្នាក្នុងប្រទេសរ៉ូម៉ានី និងប៊ុលហ្គារីផងដែរ៕


ព័ត៌មានជាច្រើនទៀតសម្រាប់អ្នក